Pa un Harmonia Psicologico!
Harmonia Psicologico ta traha cu mucha y adolescente pa p.e. un miho regulacion di emocionnan, pa por para pa nan mes, miho drumimento y pa mehora relacionnan cu mayornan y/of maestra. Tambe ta ofrece workshops den higiena di drumimento, higiena di salud mental y con pa mehora bo inteligencia emocional. Pa nos tin mas harmonia den nos comunidad.
Noticia Harmonia Psicologico
*Feliz 2026. Pa un 2026 unda bo ta comprende bo mes miho, regula bo emocionnan mas lihe y asina tin un miho salud mental.*
Horario di servicio
Dialuna - diabierna*
9am - 12pm
1pm - 5pm
*Diabierna ta solamente pa profesionalisacion y no ta atende cliente.
Preferibel tuma contacto via celular of whatsapp mensahe, si ta desea di schedule un cita. Pa motibo di confidencialidad, e ta dificil pa yama bek un number vast y no sa ken pa puntra p'e.
INTRODUCCION
Bon bini na e website di e practica priva Harmonia Psicologico di Adaline Rasmijn, GZ-psycholoog & Cognitief Gedragstherapeut i.o.
Semper mi tabata pasiona pa husticia y derechonan humano. Mi a dicidi di bira psicologo pa haci un diferencia den e bida di muchanan y nan famianan den e banda di prevencion mirando cu ta conoci cu problemanan den salud mental por empeora cu tempo, si no ricibi ayudo. Pa e motibo aki na 2014 mi a termina e Masters Psychologie en Gezondheid, track Kinder- en Jeugd Psychologie na Universiteit van Tilburg. Mi experiencia di e ultimo añanan tabata haciendo procesamento di trauma den practica priva, haci diagnostiek na centro multidisciplinario y por ultimo haciendo diagnostiek y tratamento na polikliniek kinder- en jeugdpsychiatrie. Na 2019, ami y otro 19 psicologo den Caribe, a cuminsa cu e prome GZ-opleiding den nos area. Desde 2022 mi tin e titulo di GZ-psycholoog, esaki kiermen cu mi ta mara na e tuchtrecht di Hulanda y cu mi por haci un officiële diagnose y tambe por ofrece tratamento specialisa.
Harmonia Psicologico: Ayudo psicologico pa un miho calidad di bida.
Si bo yiu ta bao di 12 aña y e tin problema den comportacion y bo no sa kico pa haci mas, tuma contacto pa por haya guia di un profesional cu estudio y experiencia di traha cu mucha y adolescente. Parti di e ayudo psicologico por inclui investigacion door di p.e. haci test di inteligencia, duna conseho di stimulacion of haci screening pa un trastorno den desaroyo. Si bo yiu ta riba 12 aña, tambe por acudi pa ayudo, solamente cu bo yiu tambe lo mester ta dispuesto pa e ayudo.
E problema den comportacion menciona por ta relata na problema den regulacion di emocion, depresion, ansiedad, trauma, pensamentonan suicidal, autismo of ADHD. E ayudo psicologico ta encera guia individual, guia di famia y guia pa scol, ora ta necesario.
Ora abo como mayor ta comprende kico ta pasando cu bo yiu, bo lo sa miho con pa anda cu e comportacion y lo tin menos conflicto entre e relacion di mayor y yiu.
Tambe por acudi pa ayudo pa guia di mayornan. Ora mayornan ta riba e mesun linja di educacion ta haci un efecto positivo riba e mucha/adolescente su estado mental y su desaroyo.
Ta traha cu adulto den caso di atake di panico y/of trauma singular, especialmente cu trauma di parto of perdida di baby/yiu. Tambe un trauma singular por encera un accident grave unda a keda cu miedo, trauma medico, desaster natural of un atake fisico.
Ta papia tambe Hulandes, Ingles y Spaño.
Prijs pa servicionan basico desde 1 jan 2025
Intake
60 minuut - Awg. 245,- (mucha)
75 minuut - Awg. 290,- (adulto)
Sesion di evaluacion*
60 minuut - Awg. 215,-
Sesion di tratamento individual
45 minuut - Awg. 175,-
60 minuut - Awg. 215,-
Consulta telefonico*
15 minuut - Awg. 50,-
Carta official
Per A4 - Awg. 45,-
E procedura pa ayudo psicologico ta cuminsa cu un intake. Pa mucha y adolescente e intake mester ta cu ambos mayor cu tin custodia. Den caso di pregunta pa investigacion psicologico, ta ofrece un oferta di esaki despues di e sesion di intake.
*Un cita di evaluacion ta si mester conseho, sin sigui tratamento na Harmonia Psicologico.
*Consulta telefonico ta ora tin pregunta inhoudelijk, unda cu ta haci uzo di expertisio pa conseho. Pa haci cita of puntra pa informacion ta gratis.
Harmonia Psicologico ta traha cu e siguiente seguronan priva; Nagico, Palig, Citizens, Ennia, CG united, Sagicor, Boogaard, Elmar, CBA y CMB. Tambe ta traha cu AZV+ (ambtenaren). E ta depende di cua seguro bo tin, si mester paga na e cita of no. Pa e motibo aki ta importante pa informa si tin un di e seguronan menciona na momento di schedule un intake.
Por haci pago via transfer, sentoo (arubabank of cmb te cu ainda) of cash (exacto).